Hafnarfjarðarbær krefst áframhaldandi framkvæmda við Reykjanesbraut – Boða til íbúafundar
Bæjarstjórn Hafnarfjarðar krefst þess að haldið verði áfram með framkvæmdir við Reykjanesbraut. Ályktun þessa efnis var samþykkt á fundi bæjarstjórnar Hafnarfjarðar í gærkvöldi og mótmælir bæjarstjórnin því „kröftuglega að Reykjanesbraut virðist hvergi vera að finna í fjárlagafrumvarpi fjármálaráðherra fyrir árið 2018,“ segir meðal annars í ályktuninni.
Á fundinum var einnig samþykkt að halda verði íbúafund um samgöngumál, með áherslu á Reykjanesbraut. Til fundarins verði boðaðir fulltrúar ríkisstjórnarinnar, þar á meðal samgöngu- og sveitarstjórnarráðherra, auk vegamálastjóra, þingmenn kjördæmisins og fleiri sem með málið hafa að gera.