Fjórir grunnskólar Reykjanesbæjar í úrslitum Skólahreysti
![20220524_212726](https://i1.wp.com/www.sudurnes.net/wp-content/uploads/2022/05/20220524_212726.jpg?resize=620%2C264)
Laugardaginn 21. maí kepptu fjórir grunnskólar Reykjanesbæjar til úrslita í Skólahreysti en alls komust 12 skólar af öllu landinu í lokaúrslitin.
Reykjanesbæjarskólarnir fjórir stóðu sig svo sannarlega vel en Akurskóli náði 5. sætinu, Stapaskóli tók 8. sætið, Heiðarskóli 11. sæti og Holtaskóli komst á verðlaunapall og hafnaði í 3. sæti þar sem Almar Örn átti flestar dýfur kvöldsins og sigraði Holtaskóli þá grein keppninnar.