Fimm börn og fjórir starfsmenn smitaðir
![sumar holt3](https://i0.wp.com/www.sudurnes.net/wp-content/uploads/2015/06/sumar-holt3.jpg?resize=620%2C264)
Fimm börn og fjórir starfsmenn á leikskólanum Holti í Reykjanesbæ hafa greinst smitaðir af kórónuveirunni, eftir að smit kom upp á leikskólanum á fimmtudag.
Leikskólinn hefur verið lokaður síðan smitið kom upp og allir starfsmenn hafa farið í fyrri skimun og fara í þá síðari á aðfangadag. Nemendur leikskólans, sem ekki hafa sýnt einkenni, verða einnig skimaðir á aðfangadag.
Um 300 leikskólastarfsmenn og -börn eru í sóttkví á Suðurnesjum eftir að smit greindust á Holti, á leikskólastigi Stapaskóla og á leikskólanum Gefnarborg í Garði.