Áfram lokað á gossvæðinu
![20220806_182459](https://i1.wp.com/www.sudurnes.net/wp-content/uploads/2022/08/20220806_182459.jpg?resize=620%2C264)
Áfram verður lokað inn á gosstöðvarnar í dag vegna veðurs. Þetta kemur fram í tilkynningu frá lögreglustjóranum á Suðurnesjum.
Þar segir að svæðið verði lokað að minnsta kosti þangað til í fyrramálið. Ákvörðun um opnun svæðisins verði tekin á stöðufundi klukkan 8.30 miðvikudaginn 10. ágúst og tilkynning send á fjölmiðla í kjölfarið.
Lokað hefur verið fyrir umferð um svæðið undanfarna daga, það hefur þó ekki stöðvað áhugasama í því að ganga um svæðið og þurftu björgunarsveitir að leita að um 10 manns, erlendum ferðamönnum, í gær.