Orkusölusamningur HS Orku og Norðuráls ekki lengur í gildi
![rafmagn](https://i2.wp.com/www.sudurnes.net/wp-content/uploads/2015/06/power-597169_640.jpg?resize=620%2C264)
Gerðardómur hefur komist að þeirri niðurstöðu að orkusölusamningur HS Orku og Norðuráls sé ekki lengur í gildi. Þetta kemur fram í tilkynningu frá HS Orku.
Ennfremur var það niðurstaða gerðardómsins að lok samningsins væru ekki af völdum HS Orku og öllum gagnkröfum Norðuráls Helguvíkur ehf. í málinu var hafnað.
Ásgeir Margeirsson forstjóri HS Orku hf. sagði af þessu tilefni: „Við erum ánægð að þetta langvinna mál sé nú að baki. Þessi niðurstaða mun gera okkur kleift að leita nýrra samningstækifæra á Íslandi án takmarkana eftir því sem ný orka verður til reiðu.“