Stefán Ljubicic yfirgefur Keflavík
Knattspyrnumaðurinn Bojan Stefán Ljubicic er á förum frá Keflavík en hann hefur fengið heimild frá stjórn félagsins til að fara þaðan á láni út þetta keppnistímabil. Þetta kemur fram á mbl.is, en þar segir að ástæðan sé sú að hann hafi ekki fengið mörg tækifæri í síðustu leikjum liðsins.
Bojan er 24 ára gamall miðjumaður eða kantmaður og hefur leikið allan sinn feril með Keflvíkingum, með meistaraflokki félagsins frá 17 ára aldri, og lék með U19 ára landsliðinu á sínum tíma.