Leikmenn og þjálfarar Grindavíkur og KR borguðu sig inn
![grindav kr](https://i0.wp.com/www.sudurnes.net/wp-content/uploads/2017/01/Untitled-design-40.png?resize=620%2C264)
Leikmenn og þjálfarar bæði Grindavíkur og KR greiddu fyrir miða inn á leikinn sem liðin spiluðu í Grindavík í fyrrakvöld, í Dominos-deild karla í körfubolta.
Allur ágóði af miðasölunni rennur óskertur til fjölskyldu Ölmu Þallar Ólafsdóttur sem lést í bílslysi á Grindavíkurvegi í síðustu viku, og vildu leikmenn og þjálfarar sýna sinn stuðning eins og aðrir sem mættu á leikinn í gær.
KR hafði sigur í leiknum eftir gríðarlega spennandi lokasekúndur, 80-78.
Leikmenn borga inn í Grindavík,ágóði miðasölu til fjölskyldu stúlkunnar sem lést í slysinu fyrir skömmu #dominos365 pic.twitter.com/vPBIRPIoQy
— Smári Jökull Jónsson (@smarijokull) January 19, 2017