Guðlaugur og Eysteinn þjálfa Keflavík í Inkasso-deildinni
Keflvíkingar hafa ráðið Guðlaug Baldursson í þjálfarastöðu meistaraflokks karla í knattspyrnu til næstu þriggja ára. Guðlaugur hefur undanfarin fimm ár verið aðstoðarþjálfari hjá Íslandsmeisturum FH ásamt því að stýra afreksþjálfun hjá Hafnarfjarðarliðinu.
Árin 2005-2006 þjálfaði Guðlaugur meistaraflokk karla hjá ÍBV og árin 2008-2011 var hann við stjórnina hjá liði ÍR.
Knattspyrnudeild Keflavíkur fagnar komu Guðlaugs og telur hann henta afar vel í það verkefni sem framundan er við að koma Keflavík aftur í fremstu röð. Reynsla og þekking Guðlaugs mun ennfremur nýtast gríðarlega vel í þeirri stefnumótun sem félagið hefur sett af stað undir forystu Margrétar Sanders hjá Strategíu. Segir í tilkynningu frá Knattspyrnudeild Keflavíkur.
Guðlaugi til aðstoðar verður Eysteinn Húni Hauksson sem kom til starfa hjá knattspyrnudeildinni síðastliðið haust og þekkir afar vel til félagsins sem fyrrum leikmaður og aðstoðarþjálfari.
Meira frá Suðurnesjum
Kadeco fékk 520 milljónir króna frá ríkissjóði á síðasta ári – Hagnaðurinn 105 milljónir
Þróttarar reyndu við Heimi
Haukur Helgi til Njarðvíkur
Eyjamenn þakklátir – Dómarar gáfu dómaratreyjur
Grindvíkingar gefa Abel sektarsjóðinn – Skora á önnur félög að gera hið sama
Grindvíkingar hefja leik í Pepsí-deildinni á heimavelli gegn Stjörnunni- Andri Rúnar enn á skotskónum – Grindavík lagði ÍBV
Keflavík mætir ÍA í fyrsta leik fallbaráttunnar
Sigurður Ragnar í þjálfarateymi Keflavíkur – “Smell-passar í prógramið”
Gunnar Heiðar tekur við Njarðvík
