Fengu gull heiðursmerki eftir áratuga starf
![gull-heidursmerki keflavik2](https://i1.wp.com/www.sudurnes.net/wp-content/uploads/2020/02/gull-heidursmerki-keflavik2.jpg?resize=620%2C264)
Þórður Magni Kjartansson og Bjarney S. Snævarsdóttir gáfu ekki kost á sér til endurkjörs inn í aðalstjórn Íþróttabandalags Keflavíkur, en þau hafa hvort um sig setið í stjórn í rúm tuttugu ár.
Þórður Magni hefur staðið vaktina í tuttugu og fjögur ár í aðalstjórn og þar af tuttugu og tvö ár sem gjaldkeri. Bjarney hefur verið tuttugu og tvö ár í aðalstjórn þar af sem ritari í sex ár einnig sat Bjarney í fjögur ár í sunddeild Keflavíkur.
Í lok fundar voru þau Þórður Magni og Bjarney heiðruð með gull-heiðursmerki Keflavíkur og þeim þakkað fyrir þeirra framlag til íþróttanna í Keflavík.