Velgengni OMAM heldur áfram – Crystals í stiklu fyrir The Good Dinosaur
![of monsters and men tour](https://i2.wp.com/www.sudurnes.net/wp-content/uploads/2015/07/of-monsters-and-men-tour.jpg?resize=620%2C264)
Lagið Crystals með íslensku hljómsveitinni Of Monsters and Men ómar í nýrri stiklu fyrir kvikmyndina The Good Dinosaur sem framleidd er af Pixar.
Þetta er ekki í fyrsta sinn sem tónlist hljómsveitarinnar er notuð í stiklur fyrir erlendar kvikmyndir, lagið Dirty Paws var til að mynda notað í stiklu fyrir myndina The Secret Life of Walter Mitty. Þá var lagið King and the Lionheart notað í stiklu fyrir Hollywoodmyndina Promised Land. Lagið Mountain Sound var notað í stiklu fyrir myndina Alexander and the Terrible, Horrible, No Good, Very Bad Day.
Loks má nefna að tónlist hljómsveitarinnar var einnig notuð í kynningarmyndband fyrir iPhone 5 fyrir ekki svo löngu síðan.
Kynningarmyndbandið fyrir kvikmyndina Good Dinosaur má finna hér fyrir neðan.