Tuttugu ökumenn stöðvaðir fyrir að tala í síma við akstur
![mobile-phone-949088_1280](https://i2.wp.com/www.sudurnes.net/wp-content/uploads/2015/11/mobile-phone-949088_1280.jpg?resize=620%2C264)
Átta ökumenn voru kærðir fyrir of hraðan akstur í umdæmi lögreglunnar á Suðurnesjum síðustu daga. Sá sem hraðast ók mældist á 133 km. hraða þar sem hámarkshraði er 90 km. á klukkustund.
Nær tuttugu ökumenn töluðu í síma án handfrjáls búnaðar og sumir þeirra voru ekki með gild ökuréttindi. Loks lögðu rúmlega tíu bifreiðum sínum ólöglega og fimm voru ekki með öryggisbelti spennt.