Stjórnir Verslunarmannafélags Suðurnesja og VR ræða sameiningu félaganna

Formenn VR og VS

Fjölmennur aðalfundur Verslunarmannafélags Suðurnesja sem haldinn var 26. apríl síðastliðinn samþykkti einróma tillögu formanns VS, Guðbrands Einarssonar, um að heimila stjórn félagsins að hefja viðræður við VR um sameiningu félaganna.

Að loknum viðræðum milli félaganna verði niðurstaðan lögð fyrir félagsmenn í allsherjaratkvæðagreiðslu. Gestir fundarins voru Ragnar Þór Ingólfsson formaður VR og Gils Einarsson, fyrrverandi formaður Verslunarmannafélags Suðurlands sem sameinaðist VR í fyrra. Fundarstjóri var Hjálmar Árnason, skólameistari Keilis.