Öll verkefni lögreglu á samfélagsmiðlana

Næstkomandi laugardag, 16. desember, fer fram Twitter-maraþon lögreglunnar, svokallað “Löggutíst”. Í löggutístinu munu Lögreglan á Norðurlandi eystra, Lögreglan á Suðurnesjum og Lögreglan á höfuðborgarsvæðinu nota samfélagsmiðilinn Twitter til að segja frá öllum verkefnum sem koma á borð þessara lögregluliða frá því klukkan 16 til klukkan 04 á sunnudagsmorguninn.

Í tilkynningu frá lögreglu kemur fram að tilgangur viðburðarins sé að gefa almenningi innsýn í störf lögreglu með því að fylgjast með útköllum sem henni berast, fjölda þeirra og hversu margvísleg þau eru.