Staða fjárhags á jólabókhaldslykli ekki góð
![jol](https://i1.wp.com/www.sudurnes.net/wp-content/uploads/2017/12/christmas-2618458_1280.jpg?resize=620%2C264)
Farið var yfir stöðu fjárhags á bókhaldslyklinum jól, áramót og þrettándi á síðasta fundi menningar- og þjónusturáðs Reykjanesbæjar og í ljósi stöðunnar er nauðsynlegt að óska eftir viðbótarfjármagni svo hægt verði að opna Aðventugarðinn líkt og fyrri ár. Farið var yfir kostnaðarliði og mögulegar útfærslur á opnun garðsins.
Menningar- og þjónusturáð leggur áherslu á að viðbótarfjármagn fáist í verkefnið sem er íbúum til gleði og ánægju og stuðlar að jákvæðum og góðum samskiptum á meðal þeirra. Menningar- og þjónusturáð vísar málinu til bæjarráðs og einnig til umræðu í næstu fjárhagsáætlunargerð.