Loka fyrir aðgengi að gosstöðvunum

Lögreglustjórinn á Suðurnesjum hefur ákveðið að gosstöðvarnar í Meradölum verði lokaðar á morgun. Lokunin hefst klukkan fimm um morgun og verður staðan endurmetin seinna um daginn.

Þá biðja almannavarnir fólk um að láta erlenda ferðamenn vita af lokuninni. Þeirri beiðni er sérstaklega beint til starfsmanna í ferðaþjónustu, á gististöðum og aðra sem eiga í samskiptum við ferðamenn.

Mynd: Almannavarnir