Nýjast á Local Suðurnes

Þrettán ára Njarðvíkingur æfir með Rapid Vín

Þrettán ára Njarðvíkingur, Erlendur Guðnason, er þessa dagana staddur í Austurríki þar sem hann mun dvelja hjá Rapid Vín við æfingar.

Hjá Rapid mun Erlendur æfa með U13 akademíu liðinu í rúma viku við glæsilegar aðstæður. Guðni Erlendsson faðir Erlendar og einn af þjálfurum hjá knattspyrnudeild Njarðvíkur er með í för og mun  nota tækifærið og fylgjast með þjálfun hjá akademíunni.

Feðgarnir nýttu tækifærið og heilsuðu upp á Njarðvíkinginn Arnór Ingva Traustason sem leikur með liðnu.