Nýjast á Local Suðurnes

Hótaði lögreglumanni lífláti

Lögreglan á Suðurnesjum handtók sama ökumann tvisvar í vikunni þar sem hann var grunaður um fíkniefnaakstur og fleiri brot. Hann er jafnframt grunaður um að hafa hótað lögreglumanni lífláti í fangaklefa á lögreglustöðinni í Keflavík.

Í fyrra skiptið sem lögregla hafði afskipti af manninum hafði hann ekið aftan á bifreið og stungið síðan af. Hann var undir greinilegum áhrifum fíkniefna þegar hann var handtekinn og færður á lögreglustöð. Við leit á honum fundust kannabisefni.

Í síðara skiptið var hann handtekinn, grunaður um akstur undir áhrifum kannabisefna.