Hundur beit innbrotsþjóf
![logreglustod keflavik](https://i2.wp.com/www.sudurnes.net/wp-content/uploads/2015/08/logreglustod-keflavik.jpg?resize=620%2C264)
Lögreglan á Suðurnesjum hefur til rannsóknar innbrot á heimili í umdæminu, en íbúi á Suðurnesjum vaknaði upp við það í fyrrinótt að óboðinn gestur var kominn hálfur inn um svefnherbergisgluggann hjá viðkomandi.
Heimilishundur húsráðandans ákvað að taka á móti „gestinum“ með sínum hætti, náði taki á honum og beit hann í hendurnar. Í tilkynningu frá lögreglu segir að maðurinn hafi látið sig hverfa í snatri út í myrkrið eftir að hann hafði náð að losa sig frá hundinum.