Gamli Nói selur veitingar við Seltjörn
![seltj](https://i0.wp.com/www.sudurnes.net/wp-content/uploads/2017/03/seltj.jpg?resize=620%2C264)
Gamli Nói ehf. sótti um leyfi hjá Reykjanesbæ á dögunum fyrir uppsetningu á veitingavagni við Seltjörn, en svæðið er skógi vaxið útivistar- og leiksvæði við samnefnda tjörn.
Að sögn Guðlaugs Helga Sigurjónssonar, forstöðumanns Umhverfissviðs Reykjanesbæjar hefur fyrirtækið þó mun stærri áform á þessu vinsæla svæði, ef veitingasalan gengur vel. Hann sagði þó ekki tímabært að fara nánar út í þau áform eins og staðan væri núna.