Hægt að skoða Grindavík í þrívídd
Verkfræðistofan Efla hefur klárað vinnslu á þrívíddarmódeli af Grindavík til að meta betur skemmdir af völdum jarðhræringanna í nóvember.
Fleiri en 60 drónaflug voru nýtt til þess að búa til þrívíddarmódelið, sem Efla gerði fyrir Náttúruhamfaratryggingu Íslands.
Upplýsingarnarnar hafa nú verið gerðar aðgengilegar fyrir íbúa og aðra hagaðila sem kunni að hafa not af þeim gögnum sem nú liggja fyrir.
Þrívíddarmódelið er aðgengilegt öllum en þar er hægt að skoða Grindavíkurbæ eins og hann leit út eftir jarðskjálftana 10. nóvember síðastliðinn.