Félagaskipti dregin til baka í kjölfar meintrar fölsunar
Félagaskipti Irenar Sólar Jónsdóttur úr Keflavík í Njarðvík hafa verið dregin til baka í kjölfar þess að svo virðist sem nafn Ingva Þórs Hákonarsonar, formanns körfuknattleiksdeildar Keflavíkur, hafi verið skráð á félagaskiptablað án hans vitundar.
Vísir.is greindi frá málinu, sem nú er komið á borð KKÍ, í gær, en í frétt miðilsins sagðist Ingvi ekki kannast við að hafa skrifað nafnið sitt sjálfur. Njarðvíkingar hafi því falsað undirskrift hans.
Njarðvíkingar hafa ekki viljað tjá sig um málið.