Elvar Már með flest stig að meðaltali í undankeppni HM
![elvar mar](https://i1.wp.com/www.sudurnes.net/wp-content/uploads/2017/01/elvar-mar.jpg?resize=620%2C264)
Landsliðsmaðurinn og Njarðvíkingurinn Elvar Már Friðriksson átti mjög góða leiki í undankeppni HM í körfuknattleik sem hefur verið í gangi undanfarna mánuði.
Ísland var aðeins einu stigi frá því að komast áfram í aðalkeppnina, eins og alkunna er. Óhætt er að segja að Elvar Már hafi lagt sítt af mörkum, en hann varð stigahæstur allra í undankeppninni, með 20.7 stig að meðaltali í leik. Ludvig Hakanson frá Svíþjóð var í öðru sætinu með 20.5 og Tornike Shengelia frá Georgíu var í því þriðja með 19.5 stig að meðaltali í leik. Frá þessu er greint á vefnum karfan.is.