Ekkert nýtt smit og á þriðja tug batnað
![coronavirus covid korona](https://i0.wp.com/www.sudurnes.net/wp-content/uploads/2020/03/coronavirus-4914026_1280.jpg?resize=620%2C264)
Ekkert nýtt kórónuveirusmit greindist á Suðurnesjum síðastliðinn sólarhring, þannig að 77 einstaklingar hafa hingað til smitast af veirunni á Suðurnesjasvæðinu samkvæmt nýjustu tölum á vef Embættis landlæknis og Almannavarna, covid.is.
Þá hefur töluverður fjöldi Suðurnesjafólks snúið úr sóttkví, en nú sæta 108 einstaklingar sóttkví á svæðinu samkvæmt sama vef, en voru vel á fimmta hundraðið þegar mest var.
Þá kom fram í síðustu fundargerð Neyðarstjórnar Reykjanesbæjar að 25 manns hafi batnað af sjúkdómnum, en þær tölur eru síðan 8. apríl.
Heilbrigðisstofnun Suðurnesja birtir reglulega fréttir af starfseminni á Facebook og eru Suðurnesjamenn eru hvattir til að fylgja HSS á Facebook.