Appelsínugult í kortunum
Gefnar hafa verið út gular og appelsínugular viðvaranir fyrir átta spásvæði sem taka gildi á morgun, mánudag.
Ört dýpkandi lægð nálgast landið úr suðvestri. Hún veldur vaxandi austanátt, 18-25 m/s síðdegis á morgun með snjókomu og éljum. Syðst á landinu verður enn hvassara fram á kvöld með talsverðri ofankomu.
Víða verður ekkert ferðaveður og hætta er á foktjóni. Nánar um viðvaranirnar og gildistíma þeirra: https://www.vedur.is/vidvaranir