Afmarkaður hópur fær heimild til að dvelja í Grindavík
Afmarkaður hópur fólks hefur heimild til að dvelja í Grindavík, þetta kemur fram í tilkynningu frá lögreglu. Aðstæður í bænum eru sagðar hættulegar og er ekki mælt með því að íbúar dvelji í bænum næturlangt.
Viðbragðsaðilar, íbúar bæjarins, starfsmenn fyrirtækja bæjarins og þeim sem þurfa að aðstoða íbúa er heimilt að dvelja í bænum, samkvæmt tilkynningunni, þá hefur fjölmiðlafólk heimild til að fara inn í bæinn með sama hætti og íbúar og starfsmenn fyrirtækja.
Fyrirkomulagið tók gildi klukkan 16 í dag og gildir í viku eða skemur eftir atvikum.
Þar sem eldgos getur hafist með stuttum fyrirvara brýnir lögreglustjóri fyrir íbúum og starfsmönnum að hver og einn beri ábyrgð á eigin athöfnum eða athafnaleysi.
„Lögreglustjóri tekur skýrt fram að Grindavík er ekki staður fyrir barnafólk eða börn að leik. Þar eru ekki starfræktir skólar og innviðir eru í ólestri. Lögreglustjóri mælir ekki með því að fólk dvelji í bænum,“ segir tilkynningu.