200 krónur af hverri sendingu góðgerðarsamtaka
Verslunarkeðjan Nettó mun styrkja góðgerðarsamtök um 200 krónur af hverri sendingu úr netverslun fyrirtækisins. Verkefnið sem ber yfirskriftina: Notum netið til góðra verka mun standa yfir til loka nóvember.
Óskað er eftir tillögum frá viðskiptavinum um hvaða góðgerðarsamtök eigi að styðja á heimasíðu verslunarkeðjunnar, netto.is. Á heimasíðunni er hægt að velja á milli eftirfarandi flokka: Góðgerðar- og menntamál, æskulýðs- og forvarnarstarf, heilbrigður lífsstíll og umhverfismál. Þá er í boði að benda fyrirtækinu á einstaka samtök eða málefni.