Úlfur Blandon tekur við Þrótti Vogum

Úlfur Blandon hefur verið ráðinn þjálfari meistaraflokks Þróttar Vogum í knattspyrnu. Samnngurinn gildir næstu tvö árin, en Úlfur tekur við af Brynjari Gestssyni sem hætti störfum fyrir félagið á dögunum.

Úlfur er 38 ára gamall og var þjálfari meistaraflokks karla hjá Gróttu árið 2016 og kom liðinu upp í Inkasso-deildina eftir eins árs dvöl í 2. deildinni. Síðastliðið sumar þjálfaði hann meistaraflokk Vals í kvennaknattspyrnu og enduðu Valskonur í 3. sæti Pepsi-deildarinnar, sigruðu Lengjubikarinn og urðu Reykjavíkurmeistarar.