Elvar Már í sögubækurnar – Leikmaður ársins annað árið í röð
![elvar2](https://i1.wp.com/www.sudurnes.net/wp-content/uploads/2016/02/elvar2.jpg?resize=620%2C264)
Njarðvíkingurinn Elvar Már Friðriksson hefur verið valinn leikmaður ársins í bandarísku SSC-deildinni í háskólaboltanum í körfuknattleik. Elvar Már, sem einnig var valinn leikmaður ársins á síðasta ári nældi sér einnig í sæti í liði ársins.
Elvar Már hefur átt frábært tímabil með liði sínu, Barry háskóla, en hann skoraði að meðaltali 20.1 stig í leikjum liðsins á tímabilinu og gaf 7,3 stoðsendingar. Elvar Már er fjórði leikmaðurinn í sögu deildarinnar sem hefur hlotið nafnbótina “Leikmaður ársins” tvö ár í röð og sá eini í sögunni sem hefur verið valinn leikmaður ársins tvö ár í röð auk þess að hafa verið valinn nýliði ársins á sínu fyrsta tímabili.