Brynja byggir sjö íbúðir – Langur biðlisti
![stapavellir-16-20](https://i0.wp.com/www.sudurnes.net/wp-content/uploads/2019/11/stapavellir-16-20.jpg?resize=578%2C264)
Íbúðarlánasjóður hefur samþykkt umsókn Brynju – Hússjóðs Öryrkjabandalags Íslands um stofnframlag vegna byggingar sjö íbúða við Stapavelli 16 – 22 í Reykjanesbæ. Áætlað er að íbúðirnar verði teknar í notkun á árinu 2021.
Reykjanesbær hafði áður samþykkt að veita sjóðnum stofnframlag sem nemur 12% af áætluðum byggingarkostnaði, rúmlega 25 milljónir króna.
Á heimasíðu Brynju kemur fram að útilokað sé að nýjar umsóknir um íbúðir geti komið til afgreiðslu á næstu árum, en um 600 manns eru á biðlista eftir íbúðum hjá sjóðnum um land allt og er biðtími eftir íbúð allt að 75 mánuðir.