Karamelluregni frestað vegna veðurs

Karamelluregni sem framkvæma átti yfir Grindavík í dag hefur verið frestað. Þetta mun vera í þriðja sinn sem spár um karamelluregn ganga ekki eftir, en regnið var hluti af 17. júnídagskránni í sveitarfélaginu.

Tilkynning sem birtist á Facebook-síðu sveitarfélagsins:

Veðurguðirnir eru ekki að vinna með okkur í dag.

Karamelluregnið sem fram átti að fara í dag, fimmtudaginn 22.júní, þarf því miður að fresta vegna veðurs.

Við stefnum á þriðju tilraun í næstu viku og hvetjum fólk til að fylgjast með á vef bæjarins og hér á Facebook síðu okkar.