Stolið fyrir hundruð þúsunda
![logreglan bill](https://i2.wp.com/www.sudurnes.net/wp-content/uploads/2015/08/logreglan-bill1.jpg?resize=620%2C264)
Tvö innbrot hafa verið tilkynnt til lögreglunnar á Suðurnesjum á nýliðnum dögum. Úr öðru húsnæðinu höfðu hinir óboðnu gestir með sér þrjár tölvur og búnað tengdum þeim. Verðmæti er talið hlaupa á hundruðum þúsunda.
Í hinu tilvikinu var farið inn í íbúðarhúsnæði, en ekki er ljóst hversu miklu var stolið Þar, því húsráðendur voru staddir erlendis þegar verknaðurinn átti sér stað. Rökstuddur grunur leikur á hverjir voru þarna að verki og í öðru húsnæði sem annar þeirra hafði áður haft á leigu fannst meint þýfi, amfetamín og ambúlur.
Lögregla rannsakar málin.