Fá vitneskju um komu flóttafólks til Reykjanesbæjar í gegnum strætókerfið
Svo virðist sem Reykjanesbær fái ekki vitneskju fyrir fram áður en Vinnumálastofnun tekur íbúðir á leigu í sveitarfélaginu. Stofnunin hefur tekið fjölda fjölbýlishúsa og hótela a leigu að undanförnu.
Sviðsstjóri hjá Reykjanesbæ, segir í samtali við mbl.is að aðkoma sveitarfélagsins sé lítil sem engin.
„Sveitarfélagið kemur ekki beint að þessu. Við fáum bara beiðni um strætókort og þannig vitum við að íbúðir hafi verið teknar á leigu fyrir umsækjendur um alþjóðlega vernd. Ef ég man rétt þá eru þetta um 1.100 kort sem við höfum afhent.” Er haft eftir sviðsstjóranum á vef Morgunblaðsins, mbl.is.
Félagsmálaráðherra hefur látið hafa eftir sér að verið sé að vinna í aðgerðaráætlun um það hvernig hægt sé að styðja frekar við umsækjendur um alþjóðlega vernd í Reykjanesbæ og aðstoða sveitarfélagið með einhverjum hætti.