Sprenging í þátttöku í Bláa lóns þrautinni – Yfir 1.000 manns hjóla í gegnum Grindavík
![Bluelagoon-Challange-2015](https://i2.wp.com/www.sudurnes.net/wp-content/uploads/2016/02/Bluelagoon-Challange-2015.jpg?resize=620%2C264)
Stærsta fjallahjólakeppni landsins, Bláa Lóns þrautin, fer fram á morgun, en stór hluti leiðarinnar liggur í gegnum land Grindavíkur og síðasti hluti hennar í gegnum bæinn sjálfan. Um 600 manns tóku þátt í keppninni í fyrra en alger sprenging hefur orðið í þátttöku og eru yfir 1.000 hjólreiðakappar skráðir til leiks í ár.
Það má því búast við stríðum straumi hjólreiðamanna á fleygiferð í gegnum Grindavík síðdegis en keppendur verða ræstir af stað frá Ásvöllum í Hafnarfirði kl. 16:00 í dag.