Slappir KR-ingar völtuðu yfir lélega Grindvíkinga

Char­les Garcia og Jón Axel Guðmunds­son skoruðu yfir helming stiga Grindvíkinga þegar liðið heimsótti KR-inga í Dóminos-deildinni í körfuknattleik. Jón Axel var þó eins og flestir Grindvíkinga langt frá sínu besta. KR-ingar áttu engan stjörnuleik í kvöld en höfðu þó 19 stiga sigur á arfaslöppu Grindavíkurliði, 79-60.

Staðan í hálfleik var jöfn, 38-38, og var það fínn fyrsti leikhluti sem hélt Grindvíkingum inn í leiknum, en þeir skoruðu 25 stig í honum, 13 stig í öðrum leikhluta, 14 í þeim þriðja og einungis 8 stig litu dagsins ljós frá Grindvíkingum í lokaleikhlutanum. Grindvíkingar eru í harðri baráttu um sæti í úrslitakeppninni og verða að gera mun betur ef þeir ætla að ná þangað.

Char­les Wayne Garcia Jr. gerði 21 stig, Jón Axel Guðmunds­son 14 og Ómar Örn Sæv­ars­son skoraði 12 stig og tók 14 fráköst. Þessir þrír skoruðu því 47 af 60 stigum liðsins í leiknum.

Tölfræði leiksins má finna hér.