Kolbrún Júlía keppir fyrir Íslands hönd á Evrópumóti í hópfimleikum
![kolbrun julia fiml keflav](https://i1.wp.com/www.sudurnes.net/wp-content/uploads/2016/05/kolbrun-julia-fiml-keflav.jpg?resize=620%2C264)
Landsliðsþjálfarar Íslands í hópfimleikum hafa valið landsliðshópa í fullorðinsflokkum fyrir Evrópumótið í TeamGym sem fram fer í Slóveníu 10. – 16. október næstkomandi. Suðurnesjastúlkan Kolbrún Júlía Guðfinnsdóttir Newman úr fimleikadeild Keflavíkur er eini Suðurnesjamaðurinn sem kemst í hópinn að þessu sinni en hún keppir í blönduðum flokki.
Kolbrún Júlía er öflug fimleikakona og var fyrr á árinu valin í úrvalshóp Fimleikasambands Íslands í hópfimleikum.