Gísli og Hafsteinn fá óvænt að dæma úrslitaleik
Ekki stóð til að eitt reyndasta dómarapar landsins myndi dæma einhvern af þeim sex leikum í undanúrslitum og úrslitum Coka Cola bikarkeppninnar sem fram fara um helgina eins og greint var frá í gær. Barnsfæðing í gær varð þess þó valdandi að þeim félögum hefur verið boðið að dæma úrslitaleik kvenna í keppninni.
Fram kemur á vef Morgunblaðsins að Arnar Sigurjónsson, annar þeirra sem áttu að dæma úrslitaleik kvenna á morgun, varð faðir í gærmorgun og afþakkaði hann því að dæma leikinn. Beinast lá við að kalla þá Gísla og Hafstein til verksins því þeir voru skráðir sem dómarar til vara á leikinn.