Arnór Ingvi á meðal launahæstu íþróttamanna landsins
Arnór Ingvi Traustason, leikmaður Malmö og íslenska landsliðsins í knattspyrnu þénar um 30 milljónir króna á ári samkvæmt lista Viðskiptablaðsins. Í blaðinu eru birt nöfn 25 launahæstu íslensku íþróttamannana árið 2017 og er Arnór Ingvi í 24. – 25. sæti ásamt Hannesi Þór Halldórssyni landsliðsmarkverði. Gylfi Sigurðsson leikmaður Everton er sá langlaunahæsti með um 660 milljónir króna á ári.
Á listanum eru knattspyrnumenn áberandi en þó ná handboltamennirnir Guðjón Valur Sigurðsson og Aron Pálmarsson að listann og eru þeir einu íþróttamennirnir sem ekki stunda knattspyrnu að atvinnu.
Launatölurnar sem birtast í listanum eru laun fyrir skatta.
25 launahæstu íslensku atvinnumennirnir:
- Gylfi Þór Sigurðsson (Everton) um 660 milljónir króna
- Aron Jóhannsson (Werder Bremen) um 200 milljónir króna
- Jóhann Berg Guðmundsson (Burnley) um 180 milljónir króna
- Birkir Bjarnason (Aston Villa) um 170 milljónir króna
- Ragnar Sigurðsson (Fulham/Rubin Kazan) um 150 milljónir króna
- Alfreð Finnbogason (Augsburg) um 150 milljónir króna
- Sverrir Ingi Ingason (Rostov) um 140 milljónir króna
- Aron Einar Gunnarsson (Cardiff) um 135 milljónir króna
- Kolbeinn Sigþórsson (Nantes) um 130 milljónir króna
- Viðar Örn Kjartansson (Maccabi Tel Aviv) um 125 milljónir króna
- Jón Daði Böðvarsson (Reading) um 110 milljónir króna
- Emil Hallfreðsson (Udinese) um 80 milljónir króna
- Hörður Björgvin Magnússon (Bristol) um 75 milljónir króna
- Aron Pálmarsson (Barcelona/handbolti) um 60 milljónir króna
- Rúrik Gíslason (Nurnberg) um 50 milljónir króna
- Guðjón Valur Sigurðsson (Rhein Neckar Löwen/handb). um 50 m.
- Rúnar Már Sigurjónsson (Grasshoppers) um 45 milljónir króna
- Matthías Vilhjálmsson (Rosenborg) um 45 milljónir króna
- Björn Bergmann Sigurðarson (Molde) um 45 milljónir króna
- Ólafur Ingi Skúlason (Karabukspor) um 45 milljónir króna
- Guðlaugur Victor Pálsson (Zurich) um 45 milljónir króna
- Ari Freyr Skúlason (Lokeren) um 40 milljónir króna
- Kári Árnason (Aberdeen) um 40 milljónir króna
- Hannes Þór Halldórsson (Randers) um 30 milljónir króna
- Arnór Ingvi Traustason (Malmö) um 30 milljónir króna