Vel gengur í bólusetningum á Suðurnesjum – 2.000 bólusettir í vikunni
![hjukr laekn hss](https://i0.wp.com/www.sudurnes.net/wp-content/uploads/2019/03/doctor-563428_1280.jpg?resize=620%2C264)
Í vikunni munu skjólstæðingar Heilbrigðisstofnunar Suðurnesja hljóta alls um 2.020 skammta af Covid-bóluefni.
Haldið verður áfram að gefa fólki með undirliggjandi áhættuþætti, bæði fyrri og seinni sprautur, auk þess sem boðið verður upp á „opið hús“ milli kl. 12 og 13 á föstudag þar sem einstaklingum 60 ára og eldri (fæddir 1961 og fyrr) sem ekki hafa fengið bólusetningu, býðst bólusetning með AstraZeneca.
Bólusetningar fara fram, sem fyrr, í húsnæði landhelgisgæslunnar á Ásbrú.
Bólusett er eftir listum frá Embætti landlæknis og því getur afgreiðsla á HSS ekki veitt frekari upplýsingar um stöðu einstaklinga, segir í tilkynningu á Facebook.
Vel hefur gengið í bólusetningum undanfarnar vikur en hingað til hefur starfsfólk HSS gefið alls 8.093 skammta.