Tveir féllu 3,5 metra
![vinna](https://i0.wp.com/www.sudurnes.net/wp-content/uploads/2015/12/construction-worker-495373_1280.jpg?resize=620%2C264)
Vinnuslys varð í umdæmi lögreglunnar á Suðurnesjum í gær þegar vinnupallur gaf sig og tveir menn féllu á jörðina.
Þetta kemur fram í tilkynningu frá lögreglunni á Suðurnesjum, en ekki er nánar til tekið hvar í umdæminu slysið átti sér stað. Segir að um hafi verið að ræða 3,5 metra fall.
„Annar þeirra fékk högg á höfuðið og var fluttur með sjúkrabifreið á Heilbrigðisstofnun Suðurnesja. Hinn slapp án meiðsla,“ segir í tilkynningunni.