Seinkun á skólastarfi vegna óveðurs
![heidarskoli](https://i1.wp.com/www.sudurnes.net/wp-content/uploads/2016/04/heidarskoli.jpg?resize=620%2C264)
Röskun á skólahaldi í Reykjanesbæ á morgun mánudaginn 7. febrúar 2022 þar sem spáð er afar slæmu veðri. Þetta kemur fram í tilkynningu frá sveitarfélaginu, sem sjá má hér fyrir neðan:
Í ljósi þess að gefin hefur verið út rauð viðvörun fyrir okkar landssvæði í nótt og snemma í fyrramálið verður upphafi skólastarfs í leik- og grunnskólum Reykjanesbæjar seinkað til kl. 10:00. Foreldrar og forráðamenn eru beðnir um að fylgjast vel með tilkynningum frá skólunum ef frekari röskun verður á skólastarfi.
Þá hefur Fjölbrautaskóli Suðurnesja tilkynnt að fjarkennsla verði á morgun.