Nýjast á Local Suðurnes

21 flugfélag með áætlunarflug frá Keflavíkurflugvelli – Mikil aukning hjá Delta og SAS

Myndin tengist fréttinni ekki beint

Þotur á vegum 18 erlendra flugfélaga flugu reglulega til og frá landinu í júní en þrátt fyrir fjöldann þá standa Icelandair og WOW undir nærri 8 af hverjum 10 brottförum. Í júní í fyrra skiptust áætlunarferðirnar frá Keflavíkurflugvelli á milli 16 flugfélaga en í ár voru félögin 21.

Flest þau flugfélög sem stunda Íslandsflug yfir sumarmánuðina hafa fjölgað ferðum frá því í fyrra. Hlutfallslega hefur aukningin hins vegar verið einna mest hjá hinu skandinavíska SAS og hinu bandaríska Delta. Bæði félög hafa nærri tvöfaldað ferðafjöldann hingað til lands og munar þar um nýja flugleið SAS frá Kaupmannahöfn og Delta flýgur nú hingað í fyrsta sinn frá Minneapolis.

Það er ferðavefsíðan túristi.is sem greinir frá þessu, í umfjöllun miðilsins kemur fram að í júní síðasliðnum hafi til að mynda um sex af hverjum tíu brottförum verið á vegum Icelandair og WOW air stóð fyrir fimmtungi. Sameiginlegt vægi félaganna var álíka hátt í júní fyrra og hittifyrra en ögn hærra á sama tíma árið 2013 eða 84,2 samkvæmt talningum Túrista.