Loka Reykjanesbraut og flugi aflýst

Vegagerðin hefur tilkynnt um lokun Reykjanesbrautar og Grindavíkurvegar frá klukkan eitt á aðfaranótt mánudags. Þá hefur öllu flugi verið aflýst á Keflavíkurflugvelli til klukkan 10 á mánudagsmorgun.
Veðurspá gerir ráð fyrir suðaustan roki eða ofsaveðri, 23-30 m/s með snjókomu og skafrenningi.
Fólki er ráðlagt að ganga vel frá lausum munum. Verktökum er bent á að ganga vel frá framkvæmdasvæðum.
Nánari upplýsingar um lokanir vega má finna á vef Vegagerðarinnar, vegagerdin.is og flugupplýsingar má finna á vefnum airport.is