Reynslubolti stýrir innkaupum fyrir Reykjanesbæ
![bokasafn reykjanesb](https://i1.wp.com/www.sudurnes.net/wp-content/uploads/2016/03/bokasafn-reykjanesb.jpg?resize=620%2C264)
Kristinn Þór Jakobsson hefur verið ráðinn innkaupastjóri Reykjanesbæjar. Hann mun hefja störf með haustinu. Kristinn Þór lauk viðskiptafræði Cand.Oecon frá Háskóla Íslands 2001 og M.Sc. gráðu í stjórnun og stefnumótun árið 2012.
Kristinn hefur mikla reynslu af störfum við innkaup og hefur undanfarið eitt og hálft ár starfað sem rekstrarstjóri/innkaupastjóri eldhúss, lagers og matsölu á Landspítala Háskólasjúkrahúsi. Þar að auki starfaði hann í fimm ár sem deildarstjóri innkaupa og vöruþróunar hjá IGS á Keflavíkurflugvelli.