Reykjanesbær áfram þrátt fyrir tap
Reykjanesbær tapaði gegn Seltjarnarnesi í spurningaþættinum Útsvar í Ríkissjónvarpinu í kvöld. Seltjarnarnes fékk 83 stig á meðan Reykjanesbær nældi sér í 62 stig.
Reykjanesbær er þó komin áfram í keppninni þar sem liðið er á meðal stigahæstu tapliðanna.
Keppnislið Reykjanesbæjar í Útsvari er skipað Grétari Þór Sigurðssyni nema í listfræði, sem margreyndur er í keppninni, Helgu Sigrúnu Harðardóttur lögfræðingi og Kristjáni Jóhanssyni leigubílstjóra leiðsögumanni. Þau tvö síðastnefndu eru ný í liðinu.