Ók inn í verslun við Krossmóa
![Untitled design (10)](https://i0.wp.com/www.sudurnes.net/wp-content/uploads/2018/04/Untitled-design-10.png?resize=620%2C264)
Ökumaður jepplings varð fyrir því óhappi að aka bifreið sinni í gegnum rúðu í verslun Bílanausts í Króssmóa í dag. Eftir því sem næst verður komist setti ökumaðurinn bifreiðina í rangan gír er hann hugðist bakka út úr bílastæði við verslunina.
Tvær stórar rúður brotnuðu í versluninni við áreksturinn auk þess sem gluggaútstilling skemmtist. Lítið tjón varð hins vegar á bifreiðinni við óhappið og ökumanninn sakaði ekki.