Nýjast á Local Suðurnes

Mikil skjálftavirkni á Reykjanesi

Mik­il jarðskjálfta­virkni hef­ur verið á Reykja­nes­hryggn­um undanfarnar klukkustundir og hafa átján þeirra verið af stærðinni 3 til 3,8 stig. Stærsti skjálft­inn var 4,5 að stærð og varð kl. 13:17. Tug­ir minni skjálfta hafa mælst og halda áfram að mæl­ast.

Veður­stof­unni hafa borist til­kynn­ing­ar um að skjálft­arn­ir hafi fund­ist á Reykja­nesskaga, Höfuðborg­ar­svæðinu og á Akra­nesi. Síðast mæld­ust jarðskjálft­ar af svipaðri stærð á Reykja­nes­hrygg í júní 2018 og snörp jarðskjálfta­hrina varð á svipuðum slóðum í júní og júlí 2015 en þá mæld­ist stærsti skjálft­inn 5,0 að stærð og sjö skjálft­ar stærri en 4,0.

Þá hefur verið greint frá því í íbúahópum Suðurnesjamanna á samfélagsmiðlum að skjálftar hafi fundist vel í Keflavík og Njarðvík.