Már setti 10 Íslandsmet og vann til bronsverðlauna – Fer beint til Póllands og heldur tónleika
![már hm sund](https://i1.wp.com/www.sudurnes.net/wp-content/uploads/2019/09/már-hm-sund.jpg?resize=620%2C264)
Sundkappinn Már Gunnarsson setti 10 Íslandsmet og vann til bronsverðlauna á HM fatlaðra sem fram fór í London. Árangur Más er einstaklega góður, en hann var eini Norðurlandabúinn sem komst á verðlaunapall auk þess sem tvö Íslandsmetanna sem kappinn bætti höfðu staðið í um og yfir 25 ár.
Már þakkar stuðninginn á Fésbókarsíðu sinni hvar hann tilkynnir einnig um fyrstu tónleika sína utan landssteinanna, en Már heldur beinustu leið til Póllands frá London þar sem hann mun skemmta ásamt félögum sínum.