Lok, lok og læs hjá eina kvikmyndahúsi bæjarins
Sambíóin hafa ákveðið að loka öllum kvikmyndahúsum sínum tímabundið vegna samkomubanns, en aðeins mega 20 koma saman eftir að reglur voru hertar á miðnætti í gær.
„Heilsa og öryggi bíógesta og starfsmanna er helsta forgangsatriði okkar, og við vonumst til að viðskiptavinir geti nýtt sér þjónustu okkar aftur eins fljótt og auðið er. Pössum uppá hvort annað og munum að brosa, þvo hendur og spritta,“ segir í tilkynningu frá Sambíóunum.