Enn finna íbúar Grindavíkur fyrir jarðskjálftum
![jardskjalftamaelir](https://i1.wp.com/www.sudurnes.net/wp-content/uploads/2017/09/jardskjalfti-nordurkorea-isor-maelir-1.png?resize=620%2C264)
Jarðskjálfti af stærð 2,5 varð rétt norðan við Grindavík rétt fyrir klukkan 17 í dag. Skjálftans varð vart í Grindavík. Nokkur skjálftavirkni hefur verið þar síðustu vikur í tengslum við landris á svæðinu, segir í tilkynningu frá Veðurstofu.
Alls hafa tæplega eitt hundrað skjálftar mælst á landinu undanfarna tvo sólarhringa, langflestir á Reykjanesi. Óvissustig vegna landriss er enn í gildi hjá Almannavarnadeild ríkislögreglustjóra.