Lögregla handtók vopnaða handrukkara
Lögreglan á Suðurnesjum handtók nýverið tvo af þremur mönnum sem reyndu að brjótast inn í íbúð. Annar þeirra var vopnaður sprautu og hníf en talið er að mennirnir hafi ætlað að innheimta fé af fólki sem býr í húsinu.
Samkvæmt tilkynningu frá lögreglunni voru fíkniefni í sprautunni auk þess sem annar mannana var með butterfly hníf í vasanum. Hinn var með barefli falið innan klæða. það er mbl.is sem greinir frá þessu en þar kemur einnig fram að mennirnir teldu íbúa húsnæðisins, sem þeir hugðust komast inn í, skulda sér peninga.